காத்திருப்போம்

விழித்திருக்கும் காரணத்தால்
விரைவாக விடியாது.-
விடியும் வரை காத்திருப்போம்.

காய் முதல் பார்த்திருந்தாலும்
பாய் போட்டு படுத்திருந்தாலும்
பழுக்கும் வரை காத்திருப்போம்.

காத்திருக்கும் காரணத்தால்
சாத்தியிருக்கும் கதவு திறக்காது .-
திறக்கும் வரை காத்திருப்போம்.

மின்னலில்லா வானமா...
ஜன்னலில்லா வீடா...
இன்னலில்லா வாழ்வா ...

எத்தனை முறை தோற்றாலும்
முடிவில்லா முயற்சியோடு
மடியும் வரை காத்திருப்போம்.