திருமணம்

புதிதாக திருமணம்,-
புதிதாக மாமனார், புதிதாக மாமியார்.
புதிதாக என்னை ஒருவன்
மாமா என்கிறான்,
நான் ஒருவனை
மாமா என்கிறேன்.

புதிய இடம், புதிய வேடம்.

மனைவி புதிது,
கட்டில் புதிது,
வந்த உறவுகள் எல்லாம் புதிது,
வரும் இரவுகள் எல்லாம் புதிது.

புதிது, புதிது எல்லாமே புதிது...
இந்த விருந்து புதிது,
உபசரிப்பு புதிது,
மரியாதை புதிது.

ஆனால்...
எனக்கு நான் பழையவன் தானே.

என்னில்,
என் கண்ணில்,
என்றும் உன் பழைய நினைவுகள்தான்.